Fara í efni

Skilmálar

1. Almenn ákvæði

Skilmálar þessir gilda um kaup á vöru á vefnum http://www.sportval.is í eigu Sportval ehf. 640708-0260, Selásbraut 98, 110 Reykjavík, hér eftir í skilmálum þessum nefnt Sportval. Skilmálarnir skilgreina réttindi og skyldur Sportvals annars vegar og kaupanda vöru hins vegar og geta skilmálarnir breyst án fyrirvara.

„Söluaðili“ er fyrirtæki sem býður vöru eða þjónustu til sölu á www.sportval.is

„Kaupandi“ er einstaklingur sem er aðili samnings en stundar ekki viðskipti eða aðra athafnastarfsemi, þ.e. einstaklingur sem kaupir vöru eða þjónustu í skilningi laga um neytendakaup.

Verð á vefsíðunni eru með virðisaukaskatti samkvæmt fyrirliggjandi gögnum og upplýsingum frá söluaðila og eru birt með fyrirvara um innsláttarvillur, prentvillur og myndvillur.

Skilmálar þessir takmarka ekki almennan rétt kaupenda sem tryggðir eru með lögum á hverjum tíma, t.d. hvað varðar rétt neytenda og ýmis lagaákvæði sem eru óundanþæg. Vísast að öðru leyti til laga sem í gildi eru á hverjum tíma og geta snert viðskiptasamband Sportval og kaupenda.

Skilmálar þessir eru í samræmi við íslensk lög. Rísi mál vegna þeirra skal það rekið fyrir Héraðsdómi Reykjavikur.

2. Persónuupplý­singar

Sportval meðhöndlar persónuupplýsingar í samræmi við lög nr. 77/2000 um persónuvernd og meðferð persónuupplýsinga. Persónuupplýsingar sem berast Sportval eru skráðar rafrænt í gagnagrunn Sportval og aðeins umsjónaraðili kerfisins hefur aðgang að þeim. Persónuupplýsingar eru ekki veittar þriðja aðila. Seljandi heitir kaupanda fullum trúnaði um allar upplýsingar sem hann gefur upp í tengslum við viðskiptin. Upplýsingar verða ekki undir neinum kringumstæðum afhentar þriðja aðila.

Við kaup á vöru eða þjónustu veitir kaupandi Sportval samþykki sitt til að safna og vinna úr persónuupplýsingum úr gagnagrunni fyrirtækisins. Úrvinnsla gagna fer fram svo lengi sem kaupandi lýsir ekki andstöðu sinni við meðferð upplýsinganna. Ef kaupandi óskar eftir að koma athugasemdum um meðhöndlun persónuupplýsinga á framfæri eða óskar eftir að persónuupplýsingum sínum verði eytt úr grunninum, skal athugasemdum komið til Sportval í tölvupósti á sportval@sportval.is eða bréflega á heimilisfang Sportval, Selásbraut 98, 110 Reykjavík. Upplýsingum um kaupanda verður þá eytt úr gagnagrunninum og kaupandi upplýstur um það sérstaklega.

Sportval áskilur sér rétt til að nota persónuupplýsingar til að senda viðskiptavinum markpósta með tölvupósti og/eða sms-skeytum, er það gert í þeim tilgangi að veita viðskiptavinum sem besta þjónustu.

3. Frágangur viðskipta

Með greiðslu staðfestir kaupandi að hann þekki gildandi skilmála Sportval.

Hver kaup eru bindandi fyrir kaupendur samkvæmt skilmálum og skilyrðum Sportval.

3.1. Afhending vöru

Allar pantanir eru afgreiddar næsta virka dag eftir pöntun. Sé varan ekki til á lager mun þjónustufulltrúi Sportval hafa samband og tilkynna um áætlaðan afhendingartíma vörunnar.

Af öllum pöntunum dreift af Íslandspósti gilda afhendingar-, ábyrgðar og flutningsskilmálar Íslandspósts um afhendingu vörunnar. Sportval ber samkvæmt þessu enga ábyrgð á týndum sendingum eða tjóni sem kann að verða á vöru í flutningi. Ef að vara týnist í pósti eða verður fyrir tjóni frá því að að hún er send frá Sportval til kaupanda er tjónið á ábyrgð kaupanda.

3.2. Verð vöru og sendingakostnaður

Öll verð í vefverslun Sportval eru með inniföldum 24% vsk en sendingakostnaður bætist síðan við áður en greiðsla fer fram. Við sendum allar vörur með Íslandspósti beint heim að dyrum. Sendingakostnaður að upphæð 1.200 kr. bætist ofan á verð vörunnar.

3.3. Skilaréttur og skipti á vöru

Veittur er 14 daga skilaréttur við kaup á vöru gegn því að framvísað sé sölureikningi eða kvittun sem sýnir með fullnægjandi hætti hvenær varan var keypt hjá Sportval. Sá áskilnaður er gerður að varan sé ónotuð, í fullkomnu lagi og í sínum upprunalegu óskemmdu umbúðum þegar henni er skilað. Ef vara er innsigluð má ekki rjúfa innsiglið.

Við skil á vöru er miðað við upprunalegt verð hennar, nema viðkomandi vara sé á útsölu eða á sértilboði við vöruskil. Þá er miðað við verð vörunnar þann dag sem henni er skilað.

3.4. Gölluð vara

Sé vara gölluð er kaupanda boðin ný vara í staðinn og greiðum við allan sendingakostnað sem um ræðir, eða endurgreiðum ef þess er krafist.